Question 1

എന്താണ് ക്യാൻസർ?

Accepted Answer

ശരീരത്തിലെ ചില കോശങ്ങൾ നിയന്ത്രണമില്ലാതെ വളരുകയും പെരുകുകയും ചെയ്യുന്നതിനെയാണ് ക്യാൻസർ എന്ന് പറയുന്നത് . ഇത് അടുത്തുള്ള അവയവങ്ങളിലേക്കും ചിലപ്പോൾ ശരീരത്തിന്റെ മറ്റു ഭാഗങ്ങളിലേക്കും പടരാം. ക്യാൻസർ ഒരൊറ്റ രോഗമല്ല. ഓരോ ക്യാൻസറിനും അതിന്റെ സ്വഭാവവും ചികിത്സയും വ്യത്യസ്തമാണ്.നേരത്തെ കണ്ടെത്തുന്ന പല ക്യാൻസറുകളും പൂർണമായി സുഖപ്പെടുത്താനാകും; ചിലത് ദീർഘകാലം നിയന്ത്രിച്ചുനിർത്താനും കഴിയും.

Question 2

എല്ലാ മുഴകളും ക്യാൻസറാണോ?

Accepted Answer

അല്ല. ഒരു അസാധാരണ വളർച്ചയെ പൊതുവായി മുഴ (tumour) എന്ന് വിളിക്കാം. അത് നിരുപദ്രവമായ benign tumour ആകാം, അല്ലെങ്കിൽ malignant tumour അഥവാ ക്യാൻസർ ആകാം. Benign മുഴകൾ സാധാരണയായി സമീപത്തുള്ള അവയവങ്ങളിലേക്കു കടന്നുകയറുകയോ ദൂരെയുള്ള അവയവങ്ങളിലേക്കു പടരുകയോ ചെയ്യുന്നില്ല. എന്നാൽ അമിതമായ വലിപ്പം കാരണമോ അല്ലെങ്കിൽ മുഴയിരിക്കുന്ന സ്ഥാനം കാരണമോ ചില benign മുഴകളും പ്രശ്നങ്ങൾ ഉണ്ടാക്കിയേക്കാം. സ്കാൻ മാത്രം ഉപയോഗിച്ച് എല്ലായ്പ്പോഴും ഇവയെ വേർതിരിക്കാൻ കഴിയില്ല; ഇവയെ വേർതിരിച്ചറിയാൻ ചിലപ്പോൾ ബയോപ്സി / പാത്തോളജി പരിശോധന (ഒരു ചെറിയ സൂചി ഉപയോഗിച്ച് മുഴയുടെ ഉള്ളിൽനിന്നും ഒരു ചെറിയ ഭാഗം എടുത്തു പരിശോധിക്കുന്ന പ്രക്രിയ- തികച്ചും വേദനാരഹിതമായി ചെയ്യാനാകുന്നതാണ് ) വേണ്ടിവരാം.

Question 3

Benign tumour-ഉം malignant tumour-ഉം തമ്മിലുള്ള വ്യത്യാസം എന്താണ്?

Accepted Answer

നിരുപദ്രവമായ മുഴകൾ (Benign tumour) സാധാരണയായി ഉണ്ടായ സ്ഥലത്ത് മാത്രം പതുക്കെ വളരുന്നു .ഇത് മറ്റു ഭാഗങ്ങളിലേക് പടരില്ല.

ക്യാൻസർ (Malignant tumour) സമീപത്തുള്ള അവയവങ്ങളിലേക്കു കടന്നുകയറാനും ലിംഫ് വഴിയോ രക്തം വഴിയോ ശരീരത്തിന്റെ മറ്റു ഭാഗങ്ങളിലേക്കു പടരാനും കഴിയും. ചില benign മുഴകൾക്കും ചിലപ്പോൾ (തുടർച്ചയായി വലുപ്പം വെക്കുക, അതുമൂലം തൊട്ടടുത്തുള്ള അവയവങ്ങൾക്ക് ബുദ്ധിമുട്ട് ഉണ്ടാക്കുക, ചില ഹോർമോണുകളെ ഉത്പാദിപ്പിചു ഹോർമോൺ അസന്തുലിതാവസ്ഥ സൃഷ്ടിക്കുക തുടങ്ങിയ കാരണങ്ങളാൽ) ചികിത്സ ആവശ്യമായി വന്നേക്കാം. അന്തിമ രോഗനിർണയം സാധാരണയായി പാത്തോളജി പരിശോധനയെ അടിസ്ഥാനപ്പെടുത്തിയാണ്.

Question 4

ക്യാൻസർ ഉണ്ടാകാൻ കാരണമെന്താണ്?

Accepted Answer

നമ്മുടെ ശരീരത്തിലെ കോശങ്ങളുടെ വളർച്ച നിയന്ത്രിക്കുന്ന ജീനുകളിൽ മാറ്റം സംഭവിക്കുമ്പോൾ ചില കോശങ്ങൾ അനിയന്ത്രിതമായി പെരുകുന്നു. ഇവയാണ് ക്യാൻസർ ആയി മാറുന്നത്. പുകവലി, പുകയില ഉപയോഗം, മദ്യപാനം, ചില അണു ബാധകൾ, കുടുംബ പാരമ്പര്യം അൾട്രാവയലറ്റ് അല്ലെങ്കിൽ അയോണൈസിംഗ് റേഡിയേഷൻ, അമിതവണ്ണം, പ്രായം, രാസ വസ്തുക്കളുമായുള്ള ദീർഘകാല സമ്പർക്കം തുടങ്ങിയവ രോഗ സാധ്യത വർധിപ്പിക്കുന്നു . ചില ക്യാൻസറുകളുടെ കാരണം കണ്ടെത്താനാവില്ല. ആരോഗ്യകരമായ ശീലങ്ങൾ അപകടസാധ്യത കുറയ്ക്കും; എന്നാൽ എല്ലാ ക്യാൻസറുകളും തടയാൻ കഴിയില്ല.

Question 5

ക്യാൻസർ പാരമ്പര്യമായി വരുമോ?

Accepted Answer

എല്ലാ ക്യാൻസറുകളും പാരമ്പര്യമായി വരുന്നവയല്ല. ഏകദേശം 5–10% ക്യാൻസറുകൾക്ക് കുടുംബ പാരമ്പര്യവുമായി ബന്ധമുണ്ടാകാം.

ചെറുപ്രായത്തിൽ തന്നെ ക്യാൻസർ വരുക, ഒരാൾക്ക് ഒന്നിലധികം ക്യാൻസറുകൾ ഉണ്ടാകുക, അടുത്ത ബന്ധുക്കളിൽ പലർക്കും ക്യാൻസർ ഉണ്ടാകുക എന്നിവയൊക്കെ ഉണ്ടെങ്കിൽ genetic counselling എന്ന പ്രക്രിയ പരിഗണിക്കേണ്ടതാണ്. പാരമ്പര്യമായി വരാവുന്ന ക്യാന്സറുകൾക്കു കാരണക്കാരായ ജീനുകൾ ഉള്ളിൽ ഒളിഞ്ഞു കിടക്കുന്നുണ്ടോ എന്നറിയാനും, കുടുംബത്തിലെ മറ്റു അംഗങ്ങൾക്ക് ക്യാൻസർ വരാനുള്ള സാധ്യത എത്രത്തോളമുണ്ടെന്ന് മനസിലാക്കാനും, അവർക്കു ക്യാൻസർ വരുന്നത് തടയാനുമുള്ള മാർഗങ്ങളെക്കുറിച്ചു മനസിലാക്കാനും ജനിതക കൗൺസലിംഗ് സഹായിക്കും

Question 6

ക്യാൻസർ ഒരാളിൽ നിന്ന് മറ്റൊരാളിലേക്കു പകരുമോ?

Accepted Answer

ഇല്ല. ക്യാൻസർ ഒരു പകർച്ചവ്യാധിയല്ല. സ്പർശിക്കുക, ഒരുമിച്ച് താമസിക്കുക, ഭക്ഷണം പങ്കിടുക, രോഗിയെ പരിചരിക്കുക എന്നിവ വഴി ക്യാൻസർ പകരില്ല. HPV, ഹെപ്പറ്റൈറ്റിസ് B, ഹെപ്പറ്റൈറ്റിസ് C പോലുള്ള ചില വൈറസുകൾ കാരണമുള്ള അണുബാധകൾ ക്യാൻസർ അപകടസാധ്യത വർധിപ്പിക്കാം; ആ അണുബാധകൾ പകരാം, എന്നാൽ ക്യാൻസർ തന്നെ പകരില്ല. രോഗിയെ ഒറ്റപ്പെടുത്തേണ്ടതില്ല.

Question 7

ക്യാൻസറിന്റെ ഘട്ടം (stage) എന്നത് എന്താണ്?

Accepted Answer

രോഗം കണ്ടെത്തുന്ന സമയത്ത് ക്യാൻസർ ശരീരത്തിൽ എത്രത്തോളം വ്യാപിച്ചിട്ടുണ്ടെന്ന് stage സൂചിപ്പിക്കുന്നു. പ്രധാന മുഴയുടെ വലിപ്പവും സമീപ ഭാഗങ്ങളിലേക്കുള്ള വ്യാപനവും, ലിംഫ് നോഡുകൾ, ദൂരെയുള്ള metastasis എന്നിവ അനുസരിച്ചാണ് stage എന്താണെന്നു തീരുമാനിക്കുന്നത്. ഓരോ ക്യാൻസറിനും staging വ്യത്യസ്തമാണ്; അതിനാൽ ഒരേ stage number എല്ലാ ക്യാൻസറുകളിലും ഒരേ അർത്ഥമല്ല. ചികിത്സ തീരുമാനിക്കാനും ചികിത്സയിലൂടെ ലഭിക്കാവുന്ന രോഗശമന സാധ്യത എത്രയാണെന്ന് മനസിലാക്കാനും stage സഹായിക്കുന്നു.

Question 8

Stage-ഉം grade-ഉം തമ്മിലുള്ള വ്യത്യാസം എന്താണ്?

Accepted Answer

Stage - ക്യാൻസർ ശരീരത്തിൽ എത്രത്തോളം വ്യാപിച്ചിട്ടുണ്ടെന്ന് സൂചിപ്പിക്കുന്നു. Grade - മൈക്രോസ്കോപ്പിൽക്കൂടി നോക്കുമ്പോൾ ഈ ക്യാൻസർ കോശങ്ങൾ എത്രത്തോളം അസാധാരണമായി കാണപ്പെടുന്നു എന്നും അവ എത്ര വേഗത്തിൽ വളരാൻ സാധ്യതയുണ്ട് എന്നും സൂചിപ്പിക്കുന്നു. Stage, grade, biomarkers, രോഗിയുടെ ആരോഗ്യനില എന്നിവ ചേർത്താണ് ചികിത്സ തീരുമാനിക്കുന്നത്.

Question 9

Metastasis എന്നത് എന്താണ്?

Accepted Answer

ക്യാൻസർ ആരംഭിച്ച അവയവത്തിൽ നിന്ന് മറ്റൊരു അവയവത്തിലേക്കു ക്യാൻസർ കോശങ്ങൾ പടരുന്നതിനെയാണ് metastasis എന്നു പറയുന്നത്. ഉദാഹരണത്തിന്, breast cancer അസ്ഥിയിലേക്കു പടർന്നാൽ അത് metastatic breast cancer തന്നെയാണ്; പുതിയ bone cancer അല്ല. മരുന്നുകൾ, റേഡിയേഷൻ, ശസ്ത്രക്രിയ അല്ലെങ്കിൽ മറ്റ് local treatment മാർഗങ്ങൾ ഉപയോഗിച്ച് metastatic cancer ചികിത്സിക്കാം. ഇങ്ങനെ ഉള്ള അവസ്ഥയിൽ ചികിത്സയിലൂടെ, രോഗം കാരണമുള്ള ബുദ്ധിമുട്ടുകൾ കുറയ്ക്കാനും, രോഗം നിയന്ത്രണവിധേയമാക്കാനും, ചിലപ്പോൾ ദീർഘകാലം നിയന്ത്രണവിധേയമാക്കി പിടിച്ചുനിറുത്താനും കഴിയും.

Question 10

Stage IV ക്യാൻസർ എന്നു പറഞ്ഞാൽ ചികിത്സ സാധ്യമല്ല എന്നാണോ?

Accepted Answer

അല്ല. Stage IV എന്നാൽ, മറ്റു അവയവങ്ങളിലേക്കു ക്യാൻസർ പടർന്നിട്ടുണ്ടാകാം എന്ന് മാത്രമാണ് സൂചിപ്പിക്കുന്നു. ഇതിൽ ചികിത്സ സാധ്യവും പ്രയോജനകരവുമാണ്. ചികിത്സയിലൂടെ, രോഗം കാരണമുള്ള ബുദ്ധിമുട്ടുകൾ കുറയ്ക്കാനും, രോഗം നിയന്ത്രണവിധേയമാക്കാനും, ദീർഘകാലം നിയന്ത്രണവിധേയമാക്കി പിടിച്ചുനിറുത്താനും, ചിലപ്പോൾ പൂർണ്ണമായി മാറ്റാനും വരെ സാധ്യമായേക്കാം. ക്യാൻസറിന്റെ തരം, biomarkers, പടർന്ന സ്ഥലങ്ങൾ, രോഗിയുടെ ആരോഗ്യനില എന്നിവയെ ആശ്രയിച്ചായിരിക്കും ചികിത്സയുടെ ഫലം ലഭിക്കുക..

Question 11

വിജയകരമായ ചികിത്സയ്ക്കു ശേഷം ക്യാൻസർ വീണ്ടും വരുമോ?

Accepted Answer

വരാൻ ചെറിയ സാധ്യതയുണ്ട്; എന്നാൽ എല്ലാവർക്കും ഉണ്ടാകില്ല. ഒരു പരിശോധനകളിലും കണ്ടെത്താനാവാത്ത വളരെ ചെറിയ അളവിലുള്ള ക്യാൻസർ കോശങ്ങൾ ചികിത്സയ്ക്കു ശേഷവും ചിലപ്പോൾ അവശേഷിക്കാം. ക്യാൻസറിന്റെ type, stage, biology, ചികിത്സയോടുള്ള രോഗത്തിൻറെ പ്രതികരണം എന്നിവ അനുസരിച്ച് വീണ്ടും വരാനുള്ള സാധ്യതയിൽ വ്യതിയാനങ്ങൾ വരാം . നിർദേശിച്ച follow-up (ഒരു ബുദ്ധിമുട്ടോ, ലക്ഷണങ്ങളോ ഇല്ലെങ്കിൽ പോലും കൃത്യമായ ഇടവേളകളിൽ ഉള്ള പരിശോധന) പാലിക്കുകയും പുതുതായി വരുന്ന ലക്ഷണങ്ങൾ ഡോക്ടറെ അറിയിക്കുകയും വേണം. രോഗം വരാം എന്ന് ഭയം കാരണം കൊണ്ടു മാത്രം ആവർത്തിച്ചു സ്കാനുകൾ ചെയുന്നത് ഗുണകരമല്ല.

Question 12

ആരോഗ്യകരമായി ജീവിക്കുന്നവർക്കും എന്തുകൊണ്ട് ക്യാൻസർ വരുന്നു?

Accepted Answer

ആരോഗ്യകരമായ ജീവിതശൈലി ക്യാൻസർ അപകടസാധ്യത കുറയ്ക്കുന്നു; എന്നാൽ പൂർണമായി ഇല്ലാതാക്കുന്നില്ല. പ്രായം കൂടുന്നതിനൊപ്പം ചില ആൾക്കാരുടെ കോശങ്ങൾക്കുള്ളിൽ സംഭവിക്കുന്ന സ്വാഭാവികമായാ ചില ജനിതക മാറ്റങ്ങൾ മൂലമോ, ചില അണുബാധകൾ മൂലമോ, നമ്മുടെ പരിസ്ഥിതിയിൽ നിലനിൽക്കുന്ന തിരിച്ചറിയപ്പെടാനാകാത്ത ക്യാന്സറിനു കാരണമായേക്കാവുന്ന രാസവസ്തുക്കൾ മൂലമോ ക്യാൻസർ വരാം.

Cancer Information in Malayalam

Starting Cancer Care

Understanding Cancer Treatment

Side Effects and Treatment Safety

Diet, Daily Life and Wellbeing

Supportive and Palliative Care

Advanced Cancer and Survivorship

Genetics, Screening and Prevention

Practical Cancer Care

Need an individual medical opinion?

Medical disclaimer